پارہ اقترب للناس 17

سورة الحج مدنیة 22

رکوع 14

آیات 49 سے 57

اے نبیﷺ

کہہ کہ

لوگو میں تو تمہارے لئے

صرف وہ شخص ہوں

٬جو (وقت آنے سے پہلے)

صاف صاف خبردار کر دینے والا ہو

پھر جو ایمان لائیں گے

اور

نیک عمل کریں گے

ان کے لیے مغفرت ہے

اور عزت کی روزی

اور

جو ہماری آیات کو

نیچا دکھانے کی کوشش کریں گے

وہ دوزخ کے یار ہیں

اور

اے نبیﷺ تم سے پہلے

ہم نے کوئی رسول ایسا بھیجا ہے نہ نبی

( جس کے ساتھ یہ معاملہ نہ پیش آیا ہو کہ)

جب اُس نے تمنا کی

شیطان اس کی تمنا میں

خلل انداز ہوگیا

اس طرح شیطان جو

خلل اندازیاں کرتا ہے

اللہ ان کو مٹا دیتا ہے

اور

اپنی آیات کو پُختہ کر دیتا ہے

اللہ علیم ہے اور حکیم

( وہ اس لیے ایسا ہونے دیتا ہے )

تا کہ

شیطان کی ڈالی ہوئی

خرابی کو فتنہ بنا دے

اُن لوگوں کے لئے

جن کے دلوں کو (نفاق کا) روگ لگا ہوا ہے

اور

جن کے دِل کھوٹے ہیں

حقیقت یہ ہے کہ

یہ ظالم لوگ عناد میں

بہت دور نکل گئے ہیں

اور

علم سے بہرہ مند لوگ جان لیں

کہ

یہ حق ہے تیرے ربّ کی طرف سے

اور

وہ اس پر ایمان لے آئیں

اور

ان کے دل اس کے آگے جھک جائیں

یقینا

اللہ ایمان لانے والوں کو

سیدھا راستہ دکھا دیتا ہے

انکار کرنے والے تو

اس کی طرف سے شک ہی میں

پڑے رہیں گے

یہاں تک کہ

یا تو ان پر

قیامت کی گھڑی اچانک آجائے

یا

ایک منحوس دن کا عذاب نازل ہو جائے

اِس روز بادشاہی اللہ کی ہوگی

اور

وہ ان کے درمیان فیصلہ کر دے گا

جو ایمان رکھنے والے

اور

عملِ صالح کرنے والے ہوں گے

وہ نعمت بھری جنتوں میں جائیں گے

اور

جنہوں نے کُفر کیا ہوگا

اور

ہماری آیات کو جھٹلایا ہوگا

اُن کے لیے رسوا کُن عذاب ہوگا