پارہ 8 ولواننا

سورة الاعراف مکیة 7

رکوع 17

آیات 73سے 84

اور ثمود کی طرف ہم نے

اُن کے بھائی صالح ؑ کو بھیجا

اُس نے کہا

اے برادرانِ قوم

اللہ کی بندگی کرو

اس کے سوا تمہارا کوئی رب نہیں ہے

تمہارے پاس تمہارے

رب کی کھلی دلیل آگئی ہے

یہ

اللہ کی اونٹنی تمہارے لیے

ایک نشانی کے طور پے ہے

لہٰذا

اسے چھوڑ دو کہ

اللہ کی زمین میں چرتی پھرے

اُس کو کسی برے ارادے سے ہاتھ نہ لگانا

ورنہ

ایک دردناک عذاب تمہیں آلے گا

ٌیاد کرو وہ وقت جب

اللہ نے قوم عاد کے بعد تمہیں اس کا جانشین بنایا

اور

تم کو زمین میں یہ منزلت بخشی

کہ

آج تم اس کے ہموار میدانوں میں عالیشان محل بناتے

اور

اس کے پہاڑوں کو مکانات کی شکل میں تراشتے ہو

پس

اسکی قدرت کے کرشموں سے غافل نہ ہو جاؤ

اور

زمین میں فساد برپا نہ کرو

اُس کی قوم کے سرداروں نے جو بڑے بنے ہوئے تھے

کمزور طبقہ کے اُن لوگوں سے جوایمان لے آئے تھے

کہا

کیا تم واقعی

یہ جانتے ہو کہ

صالحؑ اپنے رب کا پیغمبر ہے؟

انہوں نے جواب دیا

بے شک

جس پیغام کے ساتھ وہ بھیجا گیا ہے

اُسے ہم مانتے ہیں

اُن بڑائی کے مدعیوں نے کہا

جس چیز کو تم نے مانا ہے

ہم اس کے مُنکر ہیں

پھر

انہوں نے اس اونٹنی کو مار ڈالا

اور

پورےثمرد کے ساتھ اپنے

رب کے حُکم کی خلاف ورزی کر گزرے

اور

صالحؑ سے کہہ دیا کہ

لے آ

لے آ

وہ عذاب جس کی تو ہمیں دھمکی دیتا ہے

اگر تو واقعی

پیغمبروں میں سے ہے

آخر کار

ایک دہلا دینے والی آفت نے انہیں آلیا

ٌاور

وہ اپنے گھروں میں اوندھے پڑے کے پڑے رہ گئے

اور

صالحؑ یہ کہتا ہوا اُن کی بستیوں سے نکل گیا

کہ

اے میری قوم میں نے اپنے

رب کا پیغام تجھے پہنچا دیا

اور

میں نے تیری بہت خیر خواہی کی

مگر

میں کیا کروں

کہ

تجھے اپنے خیر خواہ پسند ہی نہیں ہیں

اور

لوط ؑ کو ہم نے پیغمبر بنا کر بھیجا

پھر

یاد کرو

جب اِس نے اپنی قوم سے کہا

کیا تم ایسے بے حیا ہو گئے ہو

کہ

وہ فحش کام کرتے ہو

جو تم سے پہلے دنیا میں کسی نے نہیں کیا ؟

تم عورتوں کو چھوڑ کر

مردوں سےاپنی خواہشات کو پورا کرتے ہو

حقیقت یہ ہے کہ

تم بالکل ہی حد سے گزر جانے والے لوگ ہو

مگر

اس کی قوم کا جواب اس کے سوا کچھ نہ تھا

کہ

نکالو ان لوگوں کو اپنی بستیوں سے

بڑے پاکباز بنتے ہیں یہ

آخر کار

ہم نے لوط ؑ اور اس کے گھر والوں کو

بجُز

اس کی بیوی کے جو پیچھے رہ جانے والوں میں تھی

بچا کر نکال دیا

اور

اس قوم پر برسائی ایک بارش پھر دیکھو

کہ

اُن مُجرموں کا کیا انجام ہوا