پارہ 7

و اذاسمعوا

سورة الانعام مکیة

رکوع 10

آیات ٴ 31 سے41

نقصان میں پڑ گئے وہ لوگ جنہوں نے

اللہ سے اپنی ملاقات کی اطلاع کو جھوٹ قرار دے دیا

جب اچانک

وہ گھڑی آجائے گی تو

یہی لوگ کہیں گے

افسوس ہم سے

اِس معاملے میں کیسی تقصیر ہوئی

اور

ان کا حال یہ ہوگا

کہ

اپنی پیٹھوں پر اپنے گناہوں کا

بوجھ لادے ہوئے ہوں گے

دیکھو

کیسا بُرا بوجھ ہے جو یہ اٹھا رہے ہیں

دنیا کی زندگی تو

ایک کھیل اور ایک تماشہ ہے

حقیقت میں آخرت کا ہی مقام

اِن لوگوں کے لئے بہتر ہے

جو زیاں کاری سے بچنا چاتے ہیں

پھر

کیا تم لوگ عقل سے کام نہ لوگے ؟

اے نبیﷺ

ہمیں معلوم ہے کہ

جو باتیں یہ لوگ بناتے ہیں

اِن سے تمہیں رنج ہوتا ہے

لیکن

یہ لوگ تمہیں نہیں جھٹلاتے

بلکہ

یہ ظالم دراصل

اللہ کی آیات کا انکار کر رہے ہیں

تم سے پہلے بھی

بہت سے رسول جھٹلائے جا چکے ہیں

مگر

ٌاِس تکذیب پر

اور

اُن اذیتوں پر جو انہیں پہنچائی گئی

انہوں نے صبر کیا

یہاں تک کہ

انہیں ہماری مدد پہنچ گئی

اللہ کی باتوں کو بدلنے کی طاقت

کسی میں نہیں ہے

اور

پچھلے رسولوں کے ساتھ جو کچھ پیش آیا

اس کی خبریں تمہیں پہنچ ہی چکی ہے

تاہم

اگر

اِن لوگوں کی بے رُخی تم سے برداشت نہیں ہوتی

تواگر

تم میں کچھ زور ہے تو

زمین میں کوئی سرنگ ڈھونڈو

یا

آسمان میں سیڑہی لگاؤ

اور

ان کے پاس کوئی نشانی لانے کی کوشش کرو

اگر

اللہ چاہتا تو

اِن سب کو ہدایت پر جمع کر سکتا تھا

لہٰذا

نادان مت بنو

دعوتِ حق پر لبیک وہی لوگ کہتے ہیں

جو سُننے والے ہیں

رہے مُردے

تو

انہیں تو

اللہ بس قبروں ہی سے اٹھائے گا

اور پھر

( اسکی عدالت میں پیش ہونے کے لئے )

واپس لائے جائیں گے

یہ لوگ کہتے ہیں

کہ

اس نبیﷺ پر اس کے رب کی طرف سے

کوئی نشانی کیوں نہیں اتاری گئی

کہو

اللہ نشانی اتارنے کی پوری قدرت رکھتا ہے

مگر

اِن میں سے اکثر لوگ نادانی میں مبتلا ہیں

زمین پر چلنے والے کسی جانور

اور

ہوا میں پروں سے اڑنے والے

کسی پرندے کو دیکھ لو

یہ سب تمہاری ہی طرح کی انواع ہیں

ہم نے ان کی تقدیر کے نوشتے میں

کوئی کسر نہیں چھوڑی ہے

پھر یہ سب

اپنے رب کی طرف سمیٹے جاتے ہیں

مگر

جو لوگ ہماری نشانیوں کو جھٹلاتے ہیں

وہ بہرے اور گونگے ہیں

تاریکیوں میں پڑے ہوئے ہیں

اللہ جِسے چاہتا ہے بھٹکا دیتا ہے

اور

جسے چاہتا ہے سیدھے راستے پے لگا دیتا ہے

اِن سے کہو

ذرا غور کر کے بتاؤ

اگر تم پر کبھی

اللہ کی طرف سے بڑی مصیبت آجاتی ہے

یا

آخری گھڑی آ پہنچتی ہے

تو کیا اُس وقت تم

اللہ کے سوا کسی اور کو پکارتے ہو؟

بولو

اگر تم سچے ہو

اُس وقت تم اللہ ہی کو پکارتے ہو

پھر

اگر وہ چاہتا ہے تو

اس مصیبت کو تم پر سے ٹال دیتا ہے

ایسے موقعوں پر تم

اپنے ٹھہرائے ہوئے شریکوں کو بھول جاتے ہو