حٰم 26
سورُة الفتحُ ِ 48
رکوع 9
آیات 1سے 10
اللہ کے نام سے جو بے انتہا مہربان اور رحم فرمانے والا ہے
اے نبیﷺ
ہم نے تم کو کھلی فتح عطا کر دی
تا کہ
اللہ تمہاری اگلی پچھلی
ہر کوتاہی سے درگزر فرمائے
اور
تم پر اپنی نعمت کی تکمیل کر دے
اور
تمہیں سیدھا راستہ دکھائے
اور
تم کو زبردست نُصرت بخشے
وہی ہے
جس نے مومنوں کے دِلوں میں
سکینت نازل فرمائی
تا کہ
اپنے ایمان کے ساتھ وہ
ایک ایمان اور بڑہا لیں
زمین اور آسمانوں کے سب لشکر
اللہ کے قبضہ قدرت میں ہیں
اور
وہ علیم و حکیم ہے
(اُس نے یہ کام اس لیے کیا ہے )
تا کہ
مومن مردوں اور عورتوں کو ہمیشہ رہنے کیلئے
ایسی جنّتوں میں داخل فرمائے
جس کے نیچے نہریں بہہ رہی ہوں گی
اور
اُن کی برائیاں اُن سے دور کر دے
اللہ کے نزدیک یہ بڑی کامیابی ہے
اور
مُنافق مردوں اور عورتوں
اور
مُشرک مردوں اور عورتوں کو سزا دے جو
اللہ کے متعلق بُرے گُمان رکھتے ہیں
بُرائی کے پھیر میں وہ خود ہی آگئے
اللہ کا غضب اُن پر ہوا
اور
اُس نے اُن پر لعنت کی
اور
اُن کے لیے جہنمّ مہیا کر دی
جو بہت ہی بُرا ٹھکانہ ہے
زمین اور آسمان کے لشکر
اللہ ہی کے قبضہ قدرت میں ہیں
اور
وہ زبردست حکیم ہے
اے نبیﷺ
ہم نے تم کو شہادت دینے والا
بشارت دینے والا
اور
خبردار کرنےوالا بنا کر بھیجا ہے
تا کہ
اے لوگو تم
اللہ اور اس کے رسولﷺ پر ایمان لاؤ
اور
اُس کا (یعنی رسولﷺ ) ساتھ دو
اُس کی تعظیم و توقیر کرو
اور صبح و شام
اللہ کی تسبیح کرتے رہو
اے نبیﷺ
جو لوگ تم سے بیعت کر رہے تھے
اُن کے ہاتھ پر
اللہ کا ہاتھ تھا
اب جو اِس عہد کو توڑے گا
اُس کی عہد شکنی کا وبال
اُس کی اپنی ذات پر ہوگا
اور
جو اُس عہد کو وفا کرے گا
جو اُس نے
اللہ سے کیا ہے
اللہ عنقریب
اُسکو بڑا اجر عطا فرمائےگا