تلک الرسل

سورةالبقرة مدنیہ

رکوع 2

آیت 254 سے 257

اے لوگو جو ایمان لئے ہو

جو کچھ مالِ متاع ہم نے تم کو بخشا ہے

اِس میں سے خرچ کرو

قبل اِس کے کہ

وہ دن آئے جس میں نہ خریدو فروخت ہوگی

نہ دوستی کام آئے گی

اور

نہ سفارش چلے گی

اور

ظالم اصل میں وہی ہیں

جو کفر کی روش اختیار کرتے ہیں

اللہ

وہ زندہ جاوید ہستی

جو تمام کائنات کو سنبھالے ہوئے ہے

اُس کے سوا کوئی الہ نہیں ہے

وہ نہ سوتا ہے

اور

نہ اُسے اونگھ لگتی ہے

زمین اور آسمان میں جو کچھ ہے

اُسی کا ہے

کون ہے جو اُس کی جناب میں

اُس کی اجازت کے بغیر سفارش کر سکے ؟

جو کچھ بندوں کے سامنے ہے

اُسے بھی وہ جانتا ہے

اور

جو کچھ اُن سے اوجھل ہے

اُس سے بھی وہ واقف ہے

اور

اُس کی معلومات میں سے کوئی چیز

اِن کی گرفت ادراک میں نہیں آسکتی

اِلاّ

یہ کہ

کسی چیز کا علم وہ خود اُن کو دینا چاہے

اُس کی کرسی آسمانوں اور زمین پر چھائی ہوئی ہے

اور

اُن کی نگہبانی اِس کیلئے کوئی تھکا دینے والا کام نہیں ہے

بس

وہی ایک بزرگ و برتر ذات ہے

دین کے معاملے میں کوئی زور زبردستی نہیں

صحیح بات غلط خیالات سے

الگ چھانٹ کر رکھ دی گئی ہے

اب جو کوئی طاغوت کا انکار کر کے

اللہ پر ایمان لے آیا

اس نے ایک ایسا مضبوط سہارا تھام لیا

جو کبھی ٹوٹنے والا نہیں

اور

اللہ

( جس کا سہارا اس نے لے لیا ہے )

سب کچھ سننے اور جاننے والا ہے

جو لوگ ایمان لا تے ہیں

اُن کا حامی و مددگار اللہ ہے

اور

وہ اُن کو تاریکیوں سے روشنی میں نکال لاتا ہے

اور

جو لوگ کُفر کی راہ اختیار کرتے ہیں

اُن کے حامی و مددگار طاغوت ہیں

اور

وہ اِنہیں روشنی سے

تاریکیوں کی طرف کھینچ لے جاتے ہیں

یہ آگ میں جانے والے لوگ ہیں

جہاں

یہ ہمیشہ رہیں گے