سیقول 2  

سورةالبقرة مدنیہ

249 سے 252

پھر

جب طالوت لشکر لے کر چلا

تو اس نے کہا

ایک دریا پر اللہ کی طرف سے

تمہاری آزمائش ہونے والی ہے

جو اس کا پانی پیے گا

وہ میرا ساتھی نہیں ہے

میرا ساتھی صرف وہ ہے

جو اس سے پیاس نہ بجھائے

ہاں ایک آدھ چلو

تو

کوئی پی لے تو پی لے

مگر

ایک گروہِ قلیل کے سوا

وہ سب اس دریا سے سیراب ہوئے

پھر

جب طالوت اور اس کے ساتھی مسلمان دریا پار کر کے

آگے بڑھے تو انہوں نے طالوت سے کہہ دیا

کہ

آج ہم میں جالوت

اور

اس کے لشکروں کا مقابلہ کرنے کی طاقت نہیں ہے

لیکن

جو لوگ یہ سمجھتے تھے

کہ

انہیں

ایک دن اللہ سے ملنا ہے

انہوں نے کہا

بارہا ایسا ہوا ہے

کہ

ایک قلیل گروہ اللہ کے اِذن سے

ایک بڑے گروہ پر غالب آگیا ہے

اللہ صبر کرنے والوں کا ساتھی ہے

اور

جب وہ

جالوت اور اس کے لشکروں کے مقابلے پر نکلے

تو

انہوں نے دعا کی

( اے ہمارے رب ہم پر

صبر کا فیضان کر ہمارے قدم جما دے

اور

اس کافر گروہ پر ہمیں فتح نصیب کر )

آخر کار

اللہ کے اِذن سے

انہوں نے کافروں کو مار بھگا دیا

اور

داؤد نے جالوت کو قتل کر دیا

اور

اللہ نے اسے سلطنت اور حکومت سے نوازا

اور

جن جن چیزوں کا چاہا اس کو علم دیا

اگر

اس طرح اللہ

انسانوں کے ایک گروہ سے

دوسرے گروہ کے ذریعے سے ہٹاتا نہ رہتا

توزمین کا نظام بگڑ جاتا

لیکن

دنیا کے لوگوں پر اللہ کا بڑا فضل ہے

( کہ وہ اس طرح دفع فساد کا انتظام کرتا رہتا ہے )

یہ اللہ کی آیات ہیں

جو ہم ٹھیک ٹھیک تم کو سنا رہے ہیں

اور

اے محمد ﷺ

تم یقینا ان لوگوں میں سے ہو

جو رسول بنا کر بھیجے گئے ہیں