ومآابری 13 

سورة الرّعدِ 13 مدنیة

رکوع 11

آیات 32 سے 37

تم سے پہلے بھی

بہت سے رسولوں کا مذاق اڑایا جا چکا ہے

مگر

میں نے ہمیشہ

منکرین کو ڈھیل دی

اور آخر کار

ان کو پکڑ لیا

پھر

دیکھ لو کہ

میری سزا کیسی سخت تھی

پھر کیا وہ جو

ایک متنفس کی کمائی پر نظر رکھتا ہے

(اُس کے مقابلے میں جسارتیں کی جا رہی ہیں کہ )

لوگوں نے اس کے کچھ شریک ٹھہرا رکھیں ہیں ؟

اے نبیﷺ

ان سے کہو

( اگر واقعی وہ خُدا کے اپنے بنائے ہوئے شریک ہیں تو)

ذرا اُن کے نام لو کہ وہ کون ہیں؟

کیا تم

اللہ کو ایک نئی بات کی خبر دے رہے ہو

جِسے وہ اپنی زمین میں نہیں جانتا

یا تم لوگ بس یونہی

جو منہ میں آتا ہے کہہ ڈالتے ہو؟

حقیقت یہ ہے کہ

جن لوگوں نے دعوتِ حق کو

ماننے سے انکار کیا ہے

اِن کے لئے

اِن کی مکاریاں خوشنما بنا دی گئی ہیں

اور

وہ راہِ راست سے روک دیے گئے ہیں

پھر جس کو

اللہ گمراہی میں پھینک دے

اُسے کوئی راہ دکھانے والا نہیں ہے

ایسے لوگوں کے لئے

دنیا کی زندگی ہی میں عذاب ہے

اور

آخرت کا عذاب اس سے بھی زیادہ سخت ہے

کوئی ایسا نہیں جو انہیں

اللہ سے بچانے والا ہو

خُدا ترس انسانوں کے لئے

جس جنت کا وعدہ کیا گیا ہے

اس کی شان یہ ہے

کہ

اس کے نیچے نہریں بہہ رہی ہیں

اس کے پھل دائمی ہیں

اور

اس کا سایہ لازوال ہے

یہ انجام ہے متقی لوگوں کا

اور

منکرینِ حق کا انجام یہ ہے

کہ

ان کے لیے دوزخ کی آگ ہے

اے نبیﷺ جن لوگوں کو ہم نے

پہلے کتاب دی تھی

وہ اِس کتاب سے

جو ہم نے تم پر نازل کی ہے

خوش ہیں

اور

مختلف گروہوں میں کچھ لوگ

ایسے بھی ہیں

جو اس کی

بعض باتوں کو نہیں مانتے

تم صاف کہہ دو کہ

مجھے تو صرف

اللہ کی بندگی کا حکم دیا گیا ہے

اور

اس سے منع کیا گیا ہے

کہ

کسی کو اس کے ساتھ شریک ٹھہراؤں

لہٰذا

میں اسی کی طرف دعوت دیتا ہوں

اور

اُسی کی طرف میرا رجوع ہے

اسی ہدایت کے ساتھ

ہم نے یہ فرمان عربی میں تم پر نازل کیا ہے

اب اگر تم نے

اس علم کے باوجود

جو تمہارے پاس آ چکا ہے

لوگوں کی خواہشات کی پیروی کی تو

اللہ کے مقابلے میں

نہ کوئی تمہارا حامی و مددگار ہے

اور

نہ کوئی اس کی پکڑ سے تم کو بچا سکتا ہے