پارہ 9 قال الملا

سورة الاعراف مکیة 7

رکوع 2

آیات 94سے 99

کبھی ایسا نہیں ہوا کہ

ہم نے کبھی کسی بستی میں نبی بھیجا ہو

اور

اُس بستی کے لوگوں کو پہلے

تنگی اور سختی میں مبتلا نہ کیا ہو

اِس خیال سے کہ شائد وہ عاجزی پے اتر آئیں

پھر ہم نے

اُن کی بد حالی کوخوشحالی سے بدل دیا

تک کہ وہ خوب پھلے پھولے

اور کہنے لگے کہ

ہمارے اسلاف پر بھی

اچھے اور برے دن آتے ہی رہے ہیں

آخر

ہم نے انہیں اچانک پکڑ لیا

اور

انہیں خبر تک نہ ہوئی

اگر

بستیوں کے لوگ ایمان لاتے

اور

تقویٰ کی روش اختیار کرتے

تو ہم اُن پر آسمان اور زمین سے

برکتوں کے دروازے کھول دیتے

مگر

انہوں نے تو جھٹلایا

لہٰذا

ہم نے اس بری کمائی کے حساب میں

انہیں پکڑ لیا جو وہ سمیٹ رہے تھے

پھر ـ

کیا بستیوں کے لوگ

اس سے بے خوف ہو گئے ہیں

کہ

ہماری گرفت کبھی

اچانک

اُن پر رات کے وقت نہ آجائے گی

جب کہ وہ سوئے پڑے ہوں ؟

یا

انہیں اطمینان ہوگیا ہے

کہ

ہمارا مضبوط ہاتھ کبھی یکایک

ان پر دن کے وقت نہ پڑے گا

جبکہ

وہ کھیل رہے ہوں؟

کیا یہ لوگ اللہ کی چال سے بے خوف ہیں ؟

حالانکہ

اللہ کی چال سے وہی قوم بے خوف ہوتی ہے

جو تباہ ہونے والی ہو