پارہ 8

ولواننا

سورة الانعام مکیة

رکوع 4

آیات 141 سے 144

وہ اللہ ہی ہے

جس نے طرح طرح کے باغ

اور

تاکستان

اور

نخلستان پیدا کئے

کھیتیاں اگائیں

جن سے قسم قسم کے معقولات حاصل ہوتے ہیں

زیتون اور انار کے درخت پیدا کئے

جن کے پھل صورت میں مشابہہ

اور

مزے میں مختلف ہوتے ہیں

کھاؤ اُن کی پیدا وار جب کہ یہ پھلیں

اور

اللہ کا حق ادا کرو

جب ان کی فصل کاٹو

اور

حد سے نہ گزرو

کہ

اللہ حد سے گزرنے والوں کو پسند نہیں کرتا

پھر

وہی ہے جس نے

مویشیوں میں سے وہ جانور بھی پیدا کئے

جن سے سواری اور باربرداری کا کام لیا جاتا ہے

اور

وہ بھی جو کھانے اور بچھانے کے کام آتے ہیں

کھاؤ اُن چیزوں میں سے جو

اللہ نے تمہیں بخشی ہیں

اور

شیطان کی پیروی نہ کرو

کہ

وہ تمہارا کھلا دشمن ہے

یہ آٹھ نر و مادہ ہیں

دو بھیڑ کی قسم سے اور دو بکری کی قسم سے

اے نبیﷺ

اِن سے پوچھو کہ

اللہ نے اُن کے نر حرام کئے ہیں یا مادہ

یا وہ بچے جو

بھیڑوں اور بکریوں کے پیٹ میں ہوں؟

ٹھیک ٹھیک علم کے ساتھ مجھے بتاؤ

اگر تم سچے ہو

اور

اسی طرح دو اونٹ کی قسم سے ہیں

اور

دو گائے کی قسم سے

پوچھو اِن کے نر اللہ نے حرام کئے ہیں یا مادہ

یا

وہ بچے جو اونٹنی اور گائے کے پیٹ میں ہوں ؟

کیا تم اُس وقت حاضر تھے

اللہ نے جب اُن کے حرام ہونے کا حُکم تمہیں دیا تھا ؟

پھر

اِس شخص سے بڑھ کر ظالم اور کون ہوگا

جو اللہ کی طرف منسوب کر کے جھوٹی بات کہے

تا کہ

علم کے بغیر لوگوں کی غلط رہنمائی کرے

یقینا

اللہ ایسے ظالموں کو راہِ راست نہیں دکھاتا